Konpartsen desfileak girotuko ditu Gasteizko inauteriak

Gasteiz dagoeneko inauterien zain dago. Ikuskizunez, musikaz eta mozorroen kolorez jantzitako astearen zain.

Inauteriak otsailaren 2an (asteartea) hasiko dira ofizialki, Goiuri Jauregian egingo duten konpartsen aurkezpenarekin. Sarrera doanekoa izango da, lekuak bete arte.

Festa otsailaren 4an (osteguna), iritsiko da Gasteizko kaleetara. Haurren koro ezberdinek Gasteizko plaza ezberdinetara kantuka joango dira.

Otsailaren 5ean (ostirala), Andra Mari Zuriaren Plazan, 21:00etatik aurrera, ‘Indarteriak’ izeneko ikuskizuna eskainiko du Indarra kultur elkarteak.

Otsailaren 6an (larunbata),  ekitaldi ugari izango dira eguerditik hasita. Baina ekimen nagusia, konpartsen mozorro desfilea izango da. 19:00etan abiatuko dira Legutioko Atetik.

23:00etan, Joselu Anaiak plaza-taldeak emanaldia eskainiko du Espainia Plazan jarritako eszenatokian. Gauerdian, berriz, sanba erritmoak eta danbor-hotsak nagusituko dira, Beriba Samba Eskolaren eskutik. Kalejira Andre Mari Zuriaren Plazan hasiko da.

Otsailaren 7an (igandea), gasteiztarrek inauterietako azken desfilea ikusteko aukera izango dute. Konpartsak 12:00etan aterako dira kalera.

Otsailaren 9an (asteartea), Haitzama plaza-taldeak arratsaldea girotuko du, Sardinaren Erreketak, 20:00etan, inauteriei amaiera eman aurretik.

Kontsutatu oso-osorik Gasteizko inauterien programazioa.