Gizartea -

Indarkeria matxista

Aliciaren amaren egoerak hobera egin du

Hasiera batean Zainketa Intentsiboetako Unitatera eraman dutela zabaldu bada ere, Osakidetzak ezeztatu egin du albistea.

Gasteizen emakumeen aurkako indarkeria. EFE
Gasteizen emakumeen aurkako indarkeria. EFE
Gasteizen emakumeen aurkako indarkeria. EFE

Agentziak | Erredakzioa

Whatsapp Facebook Twitter Telegram Email

Gabrielaren, Gasteizen leihotik behera botata hil zuten 17 hilabeteko haurtxoaren amaren, osasun egoerak hobera egin du azken orduetan, eta Gurutzeta Ospitaleko Zainketa Intentsiborako Unitatetik gela batera eraman dute, Eusko Jaurlaritzako Osasun Sailak baieztatu duenez.

Hasiera batean, horren osasun egoerak okerrera egin duela zabaldu bada ere, Osakidetzak ezeztatu egin du albistea.

18 urteko emakumeak kolpe ugari jasan zituen Alicia alabaren ustezko erasotzaile eta hiltzailea (D.M.) umeari sexu-abusuak egiten topatu ostean. Emakumeak aurre egin zion gizonari, eta honek Askatasun kaleko 14. zenbakiko lehen solairutik behera bota zuen 17 hilabeteko neskatoa.

Gaztea Txagorritxu Ospitalera eraman zuten, baina haurtxoa Gurutzetan zegoela-eta, arrazoi humanitarioak tarteko, Bizkaiko erietxera eraman zuten. Alabari azken agurra egiteko modua izan zuen, horrenbestez, Gabrielak. Asteartean zendu zen neskatoa, buruan zituen zaurien ondorioz.

 

 

Hau zure interesekoa bada, baliteke beste gai hauek ere izatea
Tratu txarrak haurrak Indarkeria matxista Espainian Delituak bideoak Gizartea Albisteak Gaur Gasteiz berriak Eguneko albisteak Matxismoa gaur Umeak Erailketak albisteak