Gizartea -
Sutea
Lau auto erreta eta beste hiru kaltetuta, Bilbon izan den sute batean
Gertaera larunbat honetan jazo da, Peñascal auzoko (Bilbo) aire zabaleko aparkaleku batean.
Agentziak | Erredakzioa
Lau auto erabat erre dira eta beste hiruk kalteak izan dituzte gaur arratsaldean Peñascal auzoko (Bilbo) aire zabaleko aparkaleku batean gertatu den sutean.
Jaurlaritzako Segurtasun Sailak jakitera eman duenez, sutea 19:30ak aldera hasi da Peñascal bideko aparkaleku batean.
Ikertzen ari diren arrazoiak direla medio, suak leku berean aparkatuta zeuden beste sei ibilgailu kaltetu ditu. Horrenbestez, horietako lau erabat suntsituta geratu dira, eta beste hiruk kalteak izan dituzte.
Gertakaria ikusgarria izan bada ere, ez da kalte pertsonalik izan.
Hau zure interesekoa bada, baliteke beste gai hauek ere izatea