Gizon bat atxilotu dute mediku bati eta erizain bati mehatxatzeagatik

Tafallako foruzaingoak Milagroko 50 urteko herritar bat atxilotu du Milagroseko osasun zentroko mediku bati eta erizain bati mehatxuak egiteagatik.

Nafarroako Gobernuak jakinarazi duenez, ostiralean jazo zen gertakaria, 15:30ean, Milagroseko osasun zentroan. Atxilotua medikamentu gehiago eskatzera joan zen osasun zentrora eta ezezkoa jaso ondoren, bertan zeuden erizain bati eta mediku bati mehatxu egin zien, hilko zituela esanez.

Bi osasun langileak onik daude, bertan zeuden bi laguni esker, istilua ikusi eta laguntzera joan baitziren, Nafarroako Gobernuaren arabera.