Gizartea -
Herritarren laguntza
Ertzaintza lekuko bila ari da Arrasaten izandako istripu bat dela eta
Auto batek bi emakume harrapatu zituen eta, ondoren, ihes egin zuen gidariak; GI-2620 errepidean, ostiralean izan zen istripua.
Agentziak | Erredakzioa
Ertzaintzak hiritarren laguntza eskatu du GI-2620 errepidean, Arrasate parean, izandako istripu bat dela eta. Lekukoak behar dituzte, istripuan bi emakumezko harrapatu eta ondoren ihes egin zuelako gidariak.
Ezbeharra 21:40ean gertatu zen, esan bezala, aurreko ostiralean, GI-2620 errepideko 19,6 kilometroaren parean, Arrasaten. Bertan, auto batek bi emakumezko harrapatu zituen eta, ondoren, alde egin zuen.
Harrapaketaren ondorioz, bi emakumezkoak -37 eta 38 urte- zauritu ziren eta Debabarrenako Ospitalera eraman behar izan zituzten.
Horren inguruko daturik daukan edozein lekukok Ertzaintzaren Argiketak Taldearekin harremanetan jartzea eskatu dute, 943 53 91 25 telefonora deituta.