Gizartea -

2015

Dibortzioek behera egiten jarraitzen dute EAEn eta Nafarroan

Iaz 4.737 dibortzio izan ziren Euskadin, 2014an baino % 2,2 gutxiago, eta 206 banaketa. Bestalde, Nafarroa dibortzio eta banaketa tasa txikiena izan duten erkidegoen artean dago.

Artxiboko irudia: EiTB
Artxiboko irudia: EiTB
Artxiboko irudia: EiTB

Agentziak | Erredakzioa

Whatsapp Facebook Twitter Telegram Email

Dibortzioek eta banaketek behera egiten jarraitu dute 2015ean, EAEn. Iaz 4.737 dibortzio izan ziren Euskadin, 2014an baino % 2,2 gutxiago, eta 206 banaketa.

Bestalde, Nafarroa dibortzio eta banaketa tasa txikiena izan duten erkidegoen artean dago. Hala, 1.000 biztanleko 2,1 banaketa gertatu ziren Foru Erkidegoan.

Botere Judizialaren Kontseilu Nagusiak gaur emandako datuen arabera, banaketa eta dibortzio eskaerek % 2,6 behera egin zuten iaz Espainian.

Euskadin, 1.000 biztanleko 2,3 eskaera jaso zituzten. Estatuan, aldiz, 2,8 eskakizun jaso zituzten.

Gehienak adostuak

Dibortzioa edo banaketa eskatzeko biderik erabiliena adostua izan zen euskal herritarren artean. Hala, 3.039 formula adostuarekin eskatu zituzten EAEn, 2014an baino % 1,6 gutxiago.

Gainera, 1.698 dibortzio ez adostu eman ziren, 2014an baino % 3,6 gutxiago.

Bestalde, 148 banaketa adostu izan ziren iaz EAEn, 2014an baino % 3,9 gutxiago. Ez adostuak, ostera, 58 izan ziren, aurreko urtean baino % 15,9 gutxiago.

Azkenik, hiru ezkontza deuseztatu zituzten iaz Euskadin, 2014an baino % 62,5 gutxiago.

Hau zure interesekoa bada, baliteke beste gai hauek ere izatea
Nafarroako albisteak EAE Gaurko azken orduko albistea