Gizartea -

Legazpiko jaiak

Hil egin da Legazpin lapurreta jasan ostean larri zegoen gizonezkoa

Ertzaintzak 19 eta 30 urteko bi gizonezko atxilotu ditu erasoarekin zerikusia dutelakoan.

AGENTZIAK | ERREDAKZIOA

Whatsapp Facebook Twitter Telegram Email

Legazpiko Udalak Twitter bidez baieztatu duenez, gaur goizaldean Legazpin lapurreta bat jasan ostean larri zegoen gizonezkoa hil egin da ospitalean.

Goizaldeko 02:30ak aldera gertatu da ezbeharra. Legazpin, jaiak direla-eta zaintza lanak egiten ari ziren ertzainek buruan kolpe handia zuen gizonezko bat topatu dute elizaren atarian.

Biktima, sortzez usurbildarra eta Legazpin bizi zen 46 urteko gizona, konorterik gabe zegoela ikusita, ertzainek hura suspertzeko maniobrak egin dizkiote eta, gerora, erasoaren tokira bertaratu diren larrialdi zerbitzuetako langileek zaurituaren egonkortzea lortu, eta, ondoren Donostia ospitalera eraman dute.

Ertzaintzak ikerketa abiatu du gertaturikoa argitzeko. Erasoaren tokian bertan zeuden lekukoen testigantzaren arabera, zauritutako gizonari indarkeriaz egindako lapurreta egin diote.

Lekukoen testigantzari esker, ertzainek 19 eta 30 urteko bi gizonezko atxilotu dituzte eta horietako bati biktimaren dokumentazioa eta kreditu txartela atzeman dizkiote. Atxilotuak ertzainaren esku daude, epailearen aurrera igaro zain.

Hau zure interesekoa bada, baliteke beste gai hauek ere izatea
Gipuzkoako albisteak Euskal Autonomia Erkidegoa Delituak argazkiak Gizartea bideoak Gaurko azken orduko albistea Lapurretak albisteak Legazpi