Gizartea -

Ozenoak

Kutsadurak eta itsasoratutako hondakinek kalte egiten diete ozeanoei

Ehunka metro sakonerako uretan gauza ugari aurkitu ditu Oceana erakundeak, hala nola, latak, botilak, ordenagailuak edota bizikletak.

Laidako hondartza (Bizkaia). Argazkia: Txema Suarez
Laidako hondartza (Bizkaia). Artxiboko irudia. Argazkia: Txema Suarez
Laidako hondartza (Bizkaia). Argazkia: Txema Suarez

Agentziak | Erredakzioa

Whatsapp Facebook Twitter Telegram Email

Kutsadurak eta itsasora jaurtitzen diren hondakinek ozeanoak babesteko asmoz egiten diren lanak kaltetzen dituzte, Oceana erakundeak ohartarazi duenez.

Eremu sakonetan grabatutako irudi batzuen bitartez, itsasora jaurtitako hondakinek kalte handia sortzen dutela azaldu dute. Izan ere, ozeanoak zabortegi handiak izango balira bezala erabiltzeak euren lana oztopatzen duela diote.

Ehunka metro sakonerako uretan gauza ugari aurkitu dituzte, hala nola, latak, botilak, ordenagailuak edota bizikletak.

Alde horretatik, gizakiok ezin dugula itsasora zaborrik bota gaineratu dute, beraien esanetan, “zabortegien antzera erabiltzeak bertan bizi diren animaliei eragiten baitie”.

Horregatik, erakundeak, “hedatuta dagoen” arazo horretaz kontzientziatzeko deia egin die herritarrei. Gainera, eremu sakonetan dauden tenperatura hotzek eta argiztapen faltak plastikoen degradazioa asko moteltzen duela esan dute.

 

Hau zure interesekoa bada, baliteke beste gai hauek ere izatea
Klima-aldaketaren albisteak Zer gertatu da gaur Bizkaian? Euskal Autonomia Erkidegoa Gizartea bideoak Eguneko albisteak Albisteak Larrialdi klimatikoa Kutsadura