Irungo ezkondu aurreko agur bateko bromak arrakasta handia du Interten

Ondo sortutako broma bat, mugikor bat grabatzeko, ezkondu aurreko agurra Irunen, ondo pasatzeko gogoa duten gazte-koadrila bat… eta arrakasta handia Interneten! Gazte batzuek lagun bati prestatu diotena emaitza harrigarriak ari da lortzen Sarean.

Laburbilduz, hau gertatzen da: lagun batzuek begiak estaltzen dizkiote laster ezkonduko den beste bati, eta toki batera eramaten dute (Irunera, alegia); Supermanena bezalako kapa bat jartzen diote, Irungo kale arrunt batean kokatzen dute, hesi batean, eta pentsarazten diote zubi bat dela eta bere burua bota behar duela, puentinga egiteko. Mutilak zalantzak ditu… baina azkenean dio baietz, egingo duela, eta hara doa, saltoa egiteko. Kontua da metro eta erdiko jauzia besterik ez dela… Laster-laster hasiko dira barreka, bai lagunak baita biktima bera ere…