Gizartea -
Desobedientzia larria
Bi ahizpa biki atxilotu dituzte Tuteran, poliziei eraso egin ostean
Ibilgailuan gidabaimenik gabe zihoan gidari bat antzeman zuten agenteek, eta gelditzeko agindua eman zioten, baina, ostikoka eta ukabilkadaka hasi zen emakumea.
Agentziak | Erredakzioa
26 urteko bi ahizpa bikote atxilotu dituzte asteazken honetan, hilak 27, Tuteran (Nafarroa), desobedientzia delitu larri bat egotzita, Tuterako Foruzaingoak ohar baten bidez jakitera eman duenez.
Gertaera asteazken goizaldean izan zen, Santa Ana jaien testuinguruan. Bat-batean, ibilgailuan gidabaimenik gabe zihoan gidari bat antzeman zuten agenteek, eta gidaria identifikatzeko asmoz gelditzeko agindua eman zioten.
Orduan, bere burua identifikatu nahi ez zuen neskato horrek “errespetua galdu” zien agenteei, eta, halaber, ostikoka eta ukabilkadaka aritu zen. Gainera, bertan zegoen “agente bati koska" egin zion.
Berarekin batera haren ahizpa bikia zegoen, eta erasoka hasi zen atxiloketa eragozteko asmoz.
Horregatik, bi ahizpa bikiak atxilotu zituzten eta, gerora, epailearen esku utzi dituzte.