Motorzale bat hil da Hondarribian izandako zirkulazio istripu batean

Errenteriako 38 urteko bizilagun bat hil da ostiral honetan, irailak 23, Hondarribiako N-638 errepidean izandako istripu batean, Irungo norabidean, Eusko Jaurlaritzako Segurtasun Sailak jakitera eman duenez. Larrialdi zerbitzuak ezin izan dute hura salbatzeko ezer egin.

17:05ean izan da ezbeharra. Trafiko Zuzendaritzak azaldu duenez, motorzale batek eta ibilgailu batek talka egin dute N-638 errepidean. Ondorioz, motor-gidaria errepidean botata geratu da larrialdi zerbitzuak hurbildu diren unera arte.

Larrialdi zerbitzuak hurbildu direnean, motorzalea suspertzen ahalegindu dira, baina ezin izan dute hura salbatzeko ezer egin eta ezbeharra izan den lekuan bertan hil egin da.

Motorzalearen gorpua Donostiako Patologia Forentse Zerbitzura eraman dute, epailearen aginduz, autopsia egin diezaioten. Ertzaintzak ikerketa abiatu du gertatutakoa argitzeko.