Gizartea -

Saria

Sauvagek, Stoddartek eta Feringak irabazi dute Kimikako Nobel saria

Suediako akademiak makina molekularren sintesian eta diseinuan eginiko lanagatik saritu ditu.

Argazkia: EFE
Argazkia: EFE
Savage, Stoddart eta Feringa, 2016ko Kimikako Nobel Saria

AGENTZIAK | ERREDAKZIOA

Whatsapp Facebook Twitter Telegram Email

Jean-Pierre Sauvage kimikari frantziarrak, J. Fraser Stoddart kimikari britainiarrak eta Bernard L. Feringa kimikari herbeheretarrak irabazi dute 2016ko Kimikako Nobel saria, Suediako Zientzien Akademiak jakinarazi duenez.

Epaimahaiaren arabera, hiru kimikari sarituek kontrolatu daitezkeen mugimenduak dituzten molekulak garatu dituzte, eta horiei energia gehitzen bazaie zeregin bat egin dezakete; bestela esanda, munduko makinarik txikienak egin dituzte.

Suediako Zientzien Akademiaren esanetan, hiru kimikari horien lanari esker nanoteknologiak aurrerapausoak eman ditu. Beraien helburua "nanometro gutxiko neurria zuten makinak eraikitzea zen", eta horretarako naturako hainbat elementu imitatu zituzten: bakterio baten flageloa edota forma kiribila duten makromolekulak, kasu.

Bestalde, Suediako Zientzien Akademia ziur dago nanoteknologiaren alorrean "gertaera zirraragarriak" izango direla etorkizunean hiru kimikari sarituei esker.

Hau zure interesekoa bada, baliteke beste gai hauek ere izatea
Nobel sariak 2024 Gizartea albisteak Albisteak Zientzia