Gizartea -
Zarauzko hondatza
Zarautzen begiztatutako izurdea onik itzuli dute itsasora
Hasiera batean, animalia gaixorik zegoela pentsatu dute, baina aditu batek osasuntsu zegoela frogatu du, soilik orientazioa galdu duela.
Agentziak | Erredakzioa
Itsasoko fauna zaintzeko eta ikertzeko elkarteko adituek (Ambar), surflariek lagunduta, goizean Zarauzko hondartzan (Gipuzkoa) azaldu den izurdea onik itsasora itzultzea lortu dute.
Enrique Franco Ambarreko presidenteordeak jakitera eman duenez, hasiera batean, animalia gaixorik zegoela pentsatu dute, baina aditu batek osasuntsu zegoela frogatu du, soilik orientazioa galdu duela.
Francok azaldu duenez, litekeena da haurra bere familiaren ondotik urrundu izana, eta, galduta, hondartzan geratu nahi izatea.
Emaitzarik gabeko hainbat saiakera egin ostean, Ambarreko espezialistek izurdea ur sakonetan sartzea lortu dute, ziurrenik taldeko soinuak entzungo zituelako, Francoren ustez.
Animalia goizeko 08:00etan ikusi dute lehen aldiz. SOS Deiak larrialdi zerbitzuak, Twitterren bitartez, hondartzako pertsonei animaliarengana ez gerturatzen saiatzeko eskatu die, “gaixotasunak transmititu ahal ditzakeelako”.