Gizartea -
Ezbeharra
Motozale bat hil da istripu baten ondorioz Iruña Okan, Araban
Dirudienez, auto baten aurka jo du, A-1 errepidean zihoala.
Agentziak | Erredakzioa
Motozale bat hil da auto baten aurka jota, A-1ean, Iruña Okan (Araba), Ertzaintzak jakitera eman duenez.
Istripua 19:00etan izan da, A-1eko 340. kilometroan, Madrilgo noranzkoan.
Oraindik ikertzen ari diren arrazoiengatik, autoak eta motoak elkar jo dute, eta, inpaktuaren ondorioz, motozalea hil egin da.
Istripua izan ostean, autobiako errei bat itxi behar izan dute, eta auto-ilara handiak sortu dira.
