Gizartea -
Abenduaren 21ean
Renfek Aldiriko Zerbitzua indartuko du San Tomas egunean Bilbon
Bidaiari gehien espero den orduetan, 09:30etik 11:30era, 6.000 eserleku gehiago eskainiko ditu aldiriko trenetan.
eitb.eus
Renfek Aldiriko Zerbitzua indartuko du abenduaren 21ean C-1, C-2 eta C-3 lineetan, Bilbon San Tomas eguneko azoka dela-eta bidaiari kopuru handia izatea espero baitute.
Hala, Renfek ohar baten bidez adierazi duenez, C-1 (Bilbo-Santurtzi), C-2 (Bilbo-Muskiz) eta C-3 (Bilbo-Urduña) lineetan 6.000 eserleku gehiago eskainiko ditu bidaiari gehien espero diren orduetan, 09:30 eta 11:30 bitartean.
Goizeko lehen orduetan, Bilborako noranzkoan indartuko dira tren-zerbitzuak. Arratsaldean, Renferen ohiko zerbitzuek modu mailakatuagoan eramango dituzte bidaiariak hiriburutik euren udalerrietara.
Bestalde Bilboko Metroak ere zerbitzu berezia jakinarazi du 2016ko San Tomasetako Metroaren ordutegi berezia jakinarazi du azokari begira.
