Giro ederra nagusi, Donostiako San Tomas Azokan

Milaka pertsona Donostiako Alde Zaharrean eta zentroko kaletan dira gozatzen, San Tomas Azokako ohiko txistorra dastatuz. Janariak “Potxola” txerriarekin, azokaren historiako handienarekin, partekatzen du protagonismoa.

Gabonetako ospakizunen hasiera markatzen duen azokak aurten 216 postu ditu: 53 txistorrarenak, 16 taloenak, 19 gozogintzakoak, 16 gaztea eta esnekienak, eta gainerakoek ogia, gozoak eta beste hainbat elikagai eskaintzen dituzte. 56 artisautza postu ere badaude.

Jai-giroak eta salmenta puntuek hainbat auzo hartzen dituzten arren, festaren bihotza Alde Zaharrean eta zentroko kale eta plazetan dago. Aurtengo edizioa pisu gehien duen txerria izateagatik izango da ospetsua.

Azken 13 urteotan bezala, Leitzako Arro baserrian (Nafarroa) hazi dute txerria, eta ia lo dagoela egiten die aurre milaka pertsonek egindako begiradei eta ateratako argazkiei. 408 kilo ditu.

Janaria izan arren azokaren gai nagusia (iaz 9.500 kilo txistorra saldu zituzten, eta 30.000 sagardo litro inguru) , San Tomasek beste hainbat gauza interesgarri ditu, Udalak jai-programa zabala egin baitu.

Berritasunak

Aurten azokak zenbait berritasun dakartza, aurreko edizioekin alderatuta, besteak beste, herri-kiroletan emakumezkoen bi txapelketa berri, aizkolaritzan eta esku-pilotan. Euskadiko Museo Enogastronomikoen Sareak bertako elikagai ei buruz antolatutako ekitaldi dibulgatzaileak ere badaude.

Animalien erakusketak, txistorra, barazki eta ezti lehiaketak, kalejirak eta bertsolariak dira azokan, besteak beste, ohi bezala.