Portugaleten ama hil zuen gizona kartzelatzea agindu du epaileak

Astelehenean ama hil ei zuen gizonezkoa kartzelatzea agindu du epaileak, Ertzaintzak jakinarazi duenez. Emakumezkoa 92 urtekoa zen eta Alzheimerra zuen.

Nolanahi ere, gizonezkoak bere buruari lesioak egin zizkionez, Basurtuko Ospitalean dute oraingoz, larri.

Gizona (56 urte) toxikomanoentzako zentro batean izan zen duela urte batzuk.