Gizartea -

Sexu abusuak

Gaztelueta ikastetxeko irakasle ohia auzipetu dute sexu abusuengatik

Horrez gain, epaileak 40.000 euroko fidantza ezarri dio, eta otsailaren 14an deklaratu beharko du.

Gaztelueta ikastetxeko artxiboko argazkia. EiTB
Gaztelueta ikastetxeko artxiboko argazkia. EiTB
Sexu abusuengatik Gazteluetako irakasle ohia auzipetu egingo dute

1:18

Agentziak | Erredakzioa

Whatsapp Facebook Twitter Telegram Email

Bizkaiko Probintzia Auzitegiak Gaztelueta ikastetxeko irakasle ohia epaituko du, ikasle bati sexu abusuak egitea egotzita. Izan ere, kasuaren instrukzio-epaileak prozesatzeko autoa eman du, eta 40.000 euroko fidantza ezarri dio irakasle ohiari. Otsailaren 14an deklaratu behar du.

Epailearen ustez, "sexu abusuak behin eta berriz egin zizkion, ikaslearen gaineko nagusitasun nabarmena zuela kontuan izanik".

Prozesatzeko autoan, 40.000 euroko fidantza ezarri dio ardura zibilagatik eta otsailaren 14an deklaratzera deitu du. Orduan erabakiko dute epaiketaren data.

Defentsak eta fiskaltzak ipinitako helegiteak baztertu ditu epaileak. Laburtutako kasu gisa hartzea eskatu zuten arren (9 urteko zigorra, gehienez), epaileak sumario arrunta abiatzea erabaki du; beraz, 10 urte arteko kartzela-zigorra ezarri diezaiokete.

Epaileak 2016ko maiatzean erabaki zuen prozedura arrunta abiaraztea, eta Bizkaiko Auzitegiari igorri zion.

Auto hartan, irakasle ohiari egotzitako "gertakariak" azaldu zituen. Informazioaren arabera, Opus Deik Leioan duen ikastetxean lan egin zuen 2003ko irailetik 2011ko amaierara, salaketa jarri zuen ikaslearen garai berean.

Hau zure interesekoa bada, baliteke beste gai hauek ere izatea
Zer gertatu da gaur Bizkaian? Delituak bideoak Epaiketak argazkiak Gizartea bideoak Leioa albisteak Gaurko azken orduko albistea Sexu erasoak Irakasleen albisteak Vatikanoko azken ordukoa Eliza Katolikoa eta abusuak