Gizartea -

Sei finalistak

Hauek dira Bilboko aratusteetako kartel lehiaketaren sei finalistak

Otsailaren 23tik 28ra izango dira Bilboko aratusteak. Lehiaketaren irabazleak 2.000 euro jasoko ditu.

Bilboko aratusteetako kartel lehiaketaren sei finalistak.
Bilboko aratusteetako kartel lehiaketaren sei finalistak.
Bilboko aratusteetako kartel lehiaketaren sei finalistak.

Agentziak | Erredakzioa

Whatsapp Facebook Twitter Telegram Email

2017ko aratusteetako kartel lehiaketaren sei finalistak aurkeztu ditu astearte honetan Bilboko Udalak. Otsailaren 23tik 28ra izango dira aratusteak, eta aurtengo edizioan, 50 kartel inguru aurkeztu dira.

Epaimahai batek aukeratu ditu finalera iritsi diren kartelak. Zehazki, ondorengo pertsona hauek osatzen dute aratusteetako kartel lehiaketaren epaimahaia: Itziar Urtasun, Jai Batzordearen presidentea eta Bilboko Udaleko Jaietako sailaren zinegotzia; Asier Abaunza eta Amaia Arenal zinegotziak; Bilboko Konpartsen ordezkari bat; Maylin Vergara diseinatzailea eta Cristina Camargo, Nervion egunkariko kazetaria.

Proposamen guztiak ez dira Bilbokoak izan, eta beste hirietako parte-hartzaileak ere izan dira: Nafarroakoak, Bartzelonakoak, Lleidakoak, Huelvakoak, Sevillakoak, Leongoak, Valentziakoak eta Murtziakoak. Dena dela, Bilbokoak izan dira nagusi.

Hauek dira 2017ko Bilboko Aratusteetako Kartel Lehiaketaren sei finalistak:

1. "En la calle"

Enlacalle

2. "San Anton"

San Antón

3. "Borobilbo"

Brobilo

4. "Conceptual"

Conceptual

5. "Bil-ba-o"

Bilbao

6. "Sardinita"

Sardinita

Bozketa

Hiru aukera daude sei kartel finalisten artean gustukoena bozkatzeko. Euskal Museora hurbilduz, Bilboko Udalaren web orriaren bidez edota lehiaketaren laguntzaile diren komunikabideen bitartez, besteak beste, eitb.eus. Kasu honetan, iruzkina utzi behar da Facebooken dugu Bilboko komunitatean.

Urtarrilaren 30etik otsailaren 3ra izango da bozkatzeko aukera, baina botoa eman ahal izateko, ezinbestekoa izango da egiaztagiri bat aurkeztea. Nahikoa izango da NANa edota gidabaimena gainean eramatearekin.

Sistema bakoitzeko botoek azken erabakiaren % 25 suposatuko dute. Gainerako %25 epaimahaiaren bozketaren bidez erabakiko da. Irabazleak 2.000 euro jasoko ditu.

Hau zure interesekoa bada, baliteke beste gai hauek ere izatea
Bilboko Udala Bilboko azken albisteak Bizkaiko albisteak Inauteriak Euskadin 2024 Gizartea Gaurko azken ordukoa