Gizartea -

Abisu horia: haizea eta olatua

Haizeagatiko abisu horia, ostiral goizera arte indarrean

Larunbat goizaldean, berriz, beste abisu hori bat sartuko da indarrean, itsasaldeko arriskuagatik. Nafarroan ere, gogor joko du haizeak.

Donostia. Artxiboko argazkia: EFE
Donostia. Artxiboko argazkia: EFE
Donostia. Artxiboko argazkia: EFE

Agentziak | Erredakzioa

Whatsapp Facebook Twitter Telegram Email

Eusko Jaurlaritzako Segurtasuna Sailak abisu horia ezarri du EAEn, haizeak 100 kilometro orduko abiadura gaindi baitezake datozen orduotan. Abisua 18:00etan sartuko da indarrean, eta ostiral goizera arte egongo da indarrean.

Euskalmetek egindako iragarpenaren arabera, hego-osagaiko haize-boladek 100 km/h-ko abiadura gaindi dezakete haizeguneetan, bereziki mendi inguruetan. Araban eta Gipuzkoan, hego-osagaiko haize-boladek 80 km/h-ko abiadura gaindi dezakete, bereziki ekialdean. Bizkaian, orduko 60 eta 80 kilometro arteko abiadura hartuko duten haize-boladak espero dira.

Hego-haize horren poderioz, tenperaturek gora egingo dute ostiralean. Horrenbestez, tenperatura hauek espero dituzte euskal hiriburuetan: Gasteizen, minimoa 2 ºC eta maximoa 9 ºC; Donostian, minimoa 8 ºC eta maximoa 14 ºC, eta Bilbon, minimoa 7 ºC eta maximoa 15 ºC.

Abisu horia olatuengatik

Bestalde, larunbat goizaldean, 04:00ak eta 06:00ak bitartean, itsasaldeko arriskuagatik jarriko dute indarrean abisu horia. Hiru metrorainoko olatuak egotea aurreikusi dute.

Nafarroan ere, haizea

Aemetek egindako iragarpenaren arabera, Nafarroan ere ezarri dute abisu horia, 95 kilometro orduko abiadura harrapa dezaketen haize-boladak izatea espero baitute. Horrez gain, zero azpitik lau graduko tenperatura egitea espero dute Ebroko Erriberan eta isurialde atlantikoan.

 

Hau zure interesekoa bada, baliteke beste gai hauek ere izatea
Bilbo berriak Donostia albisteak Gaurko albisteak Bizkaia Albisteak Gipuzkoa Albisteak Nafarroa Araba Euskal Autonomia Erkidegoa albisteak Eguraldia Gizartea bideoak Gasteiz Gaurko azken orduko albistea