Gizartea -
CAC erakundeak eskatuta
ReSet youtuberrak egindako bideoaren kopia gehiago kendu dituzte
Consell de l'Audiovisual de Catalunya erakundeak baieztatu zuenez, nahiz eta jatorrizkoa kendu egin zuten, ika mika handia eragin zuen bideoaren kopia gehiago argitaratu zituzten.
agentziak | erredakzioa
YouTube bideoen plataformak etxegabe bati hogei euro eta hortzetako pasta barruan zuten gaileta batzuk ematen ikusten zen bideo polemikoaren lau kopia kendu ditu, Consell de l'Audiovisual de Catalunya (CAC) erakundeak hala eskatuta.
ReSet izenez ezagutzen dute bideoa grabatu eta argitaratu zuen youtuberra. Aurreko hilabetean, Bartzelonako Poliziak salatu eta berak bideoa internetetik kendu zuen, baina erakundeak -egun batzuk geroago-egiaztatu zuenenez, beste erabiltzaile batzuek berriz publikatu zuten eta, hori dela eta, berriz ere kentzea eskatu zuen, urtarrilaren 27an.
Bigarren aldia da YouTubek bideoak kentzen dituela, CACek eskatuta. Aurretik, indarkeria matxista sustatzen zuten bost bideo kendu zituen, CACek 2016an txosten batean salatu ostean.