Gizartea -

TRAFIKO ISTRIPUA

Usurbilgo istripuagatik atxilotutako gaztea, epailearen esku

Eguerdian eraman dute epailearen aurrera deklaratzera. 28 urteko bilbotarrari egindako droga eta alkohol kontrolaren emaitza negatiboa izan zen. Ertzaintzak ikerketa zabalik du.

Bi lagun hil ziren AP-8an, Usurbil parean, atzo izandako trafiko-istripuan.
Bi lagun hil ziren AP-8an, Usurbil parean, atzo izandako trafiko-istripuan.
Bi lagun hil ziren AP-8an, Usurbil parean, atzo izandako trafiko-istripuan.

AGENTZIAK | ERREDAKZIOA

Whatsapp Facebook Twitter Telegram Email

Usurbilen istripua eragin zuen autoko gidaria epailearen aurrera eraman dute, gaur eguerdian, deklaratzera. Bide segurtasunaren kontrako delitua egotzita atxilotu zuten, atzo, 28 urteko bilbotarra. Hainbat kilometro kontrako norabidean egin ostean, AP-8an, anbulantzia bat jo zuen aurrez aurre.

Ezbeharraren ondorioz, bi pertsona hil ziren, gizonezko bat eta emakumezko bat, eta zortzi arin zauritu. Bost lagunentzako lekua zuen autoan sei pertsona zihoazen, eta horietako bi zendu ziren, istripuaren tokian bertan.

Ertzaintzak ikerketa zabalik du, gertatutakoa argitzeko. Atxilotutako gazteari egindako droga eta alkohol kontrolaren emaitza negatiboa izan zen.

Hau zure interesekoa bada, baliteke beste gai hauek ere izatea
Trafiko Istripuak Trafikoa Albisteak Gipuzkoa Arabako trafiko telefonoa Trafikoko web-kamerak Gasteizen Albisteak Gaur Usurbil Gaurko azken orduko albistea