Gaur emango diete azken agurra bi mendizale gipuzkoarrei

Bi mendizale hil ziren herenegun, igandea, Errioxako San Lorenzo tontorraren inguruan elur-raketak erabiliz ibilbide bat egiten ari zirela erori ostean. Valdezcaray eski-estaziotik hurbil gertatu zen istripua. Biktimetako bat Joseba Zinkunegi Sortuko buruzagia (50 urteko eibartarra) da, eta bestea Iker Jausoro oñatiarra (48 urte).

Biak Elgoibarren bizi ziren. Gorpuak astelehen honetan ekarri dituzte Logroñotik, autopsia egin ostean. Hileta-elizkizuna gaur, asteartea, izango da Elgoibarko San Bartolome elizan.

Irrist egin eta amildegi batetik behera erortzeagatik hil dira ziren bi mendizaleak. Erreskate-taldeak jakinarazi zuenez, 14:00ak aldera gertatu zen ezbeharra, raketekin mendian zebiltzan bi gizon erori eta gero. Eibarko biktima berehala hil zen; mendizale gasteiztarra, berriz, ospitalera eraman zuten arren, 16:00ak aldera hil zen, Errioxako Gobernuko iturrien baieztatu zutenez.

Ezcarayn egoitza duten Guardia Zibilaren Mendiko Erreskateko Taldeko kideak eta Valdezcarayko langileak istripuaren tokira joan ziren arren, helikoptero bat behar izan zuten biktimak handik ateratzeko.

Mendiak 2.271 metroko altuera du eta Errioxako eta Euskadiko mendizaleak ikusten ohi dira; eta, batez ere, tontorrera heltzeko estaziotik kanpo dauden bidetik ibiltzen dira.

Gune hauek Valdezcarayko instalaziotik at daudenez makinek ez dute elurra zapaltzen eta, batzuetan, irristagarriak diren guneak estaltzen dira. Hori izan omen daiteke gertakariaren sorburua.