Jardunaldi solidarioa Sestaon kaltetutako familiei laguntzeko

Apirilaren 8an egingo du Sestaok kaltetutako familiei laguntzako jardunaldi solidarioa. Galtzara Nagusiko 80 zenbakian dagoen eraikinak hartu zuen sua. Programazioa herriko asoziazio-sarearen parte hartzean oinarrituta dago bereziki.

Udalak eta Kaltetuen Plataformak prentsaurrekoan adierazi duten arabera, jolas eta festarako jardunaldi bat izatea espero da, "adin guztietako pertsonentzako izango da eta goizetik arratsaldeko azken ordura arte luzatuko da".

Horrela, Begoñako Andra Mari ikastolako estalita dagoen jolastokiak hartuko ditu ekitaldien gehiengoa. Kaleetan ere hainbat ekintza egingo dituzte. Programazioan  musika eta dantza ekitaldiak eta haurrentzako tailerrak daude.

Sestaoko Suteko Kaltetuen Plataformak eltzeitsuak jarriko ditu herriko hainbat puntutan dirua biltzeko. Hainbat lokaletan aurkitu daitezke eltzeitsu horiek dagoeneko.