Gizartea -

Protesta

Jendetza handia bildu da Donostian, erraustegiaren aurkako martxan

Euriak ez ditu ekidin Erraustegiaren Aurkako Mugimenduak deitutako manifestaziorekin jende ugarik bat egitea.

Erraustegiaren aurkako manifestazioa, Donostian. Argazkia: EFE
Erraustegiaren aurkako manifestazioa, Donostian. Argazkia: EFE
Gipuzkoako hondakinen arazorako soluzio alternatiboa aldarrikatu dute

1:06

Agentziak | Erredakzioa

Whatsapp Facebook Twitter Telegram Email

Gipuzkoako Erraustegiaren Aurkako Mugimenduak deituta, manifestazio jendetsu batek Donostiako kaleak hartu ditu gaur arratsaldean, Zubietan hondakinak erretzeko errauste-planta bat jartzearen aurka protesta egiteko.

"Alternatiba dagoelako, erraustegirik ez" lelopean egin den martxak hainbat kolektibo ekologistaren (tartean Greenpeace eta Eguzki), alderdi politikoren (EH Bildu, Podemos eta Ezker Anitza-IU) eta sindikaturen (ELA, LAB, CCOO, ESK, Steilas, Hiru, CGT eta CNT) babesa izan du.

Manifestazioa 17:00etan atera da Anoeta futbol-zelai inguruetatik eta hura zabaltzen zenbait zaldizko joan dira. Haien atzetik manifestazioaren leloa zeraman pankarta ikus zitekeen, eta haren ondotik gainerako parte-hartzaileak, euren aterkiei eusten, etengabea izan baita euriaren presentzia ibilbide guztian zehar.

Bertaratu direnen artean Sortu, Aralar, Alternatiba, EA, Podemos eta Ezker Anitza-IU alderdietako agintariak egon dira, eta denekin batera errausketaren eta zaborren erreketaren aurkako oihuak bota dituzte, baita birziklatzearen eta osasunaren aldekoak ere.

MANIFESTAZIOA ERRAUSTEGIA DONOSTIA foto: EITB

18:00ak aldera protesta-martxaren burua Boulevardera heldu da, eta bertaratu direnak kioskoaren bueltan paratu dira jai-giroan eta musika lagun zutela. Ondoren, Erraustegiaren Aurkako Mugimenduko bi ordezkarik manifestu bat irakurri dute: Ana Aranburuk euskaraz eta Maria Luisa Sanchezek gaztelaniaz.

Hau zure interesekoa bada, baliteke beste gai hauek ere izatea
Donostiako azken albisteak Albisteak Gipuzkoa Gizartea Gaurko azken orduko albistea