Gizartea -

SUTEAK

Bost edukiontzi erre dituzte Bilbo erdigunean

Sugarrek kalteak egin dituzte kafetegi baten beiratean eta bi edukiontzi kiskali dituzte.

Argazkia: EiTB.
Argazkia: EiTB.
Bost edukiontziri su eman diete bart, Bilbon

AGENTZIAK | ERREDAKZIOA

Whatsapp Facebook Twitter Telegram Email

Bost edukiontzi erre dituzte goizaldean Bilbo erdiguneko bi tokitan. Suaren ondorioz, bi edukiontzi erabat kiskali dira eta ostalaritza establezimendu bateko kristala kaltetu da. Dena den, ez dute inor etxetik atera behar izan.

Ertzaintzak jakinarazi duenez, lehendabiziko sutea 06:30ean gertatu da Gregorio de la Revilla zumarkaleko 20. zenbakiaren parean.

Edukiontzi batek su hartu du eta suhiltzaileek itzali behar izan dute, baina guztiz kiskalita gelditu da. Halaber, sugarrek kalteak egin dituzte edukiontzi horien ondoko kafetegi bateko beiratean.

Bost minutu geroago, lehendabiziko sutea piztu den tokitik 200 metrora, Poza Lizentziatuaren kaleko 61. zenbakiaren parean, lau edukiontzi erre dituzte. Suhiltzaileek itzali dute sua, baina ordurako edukiontziak erabat kiskalita zeuden.

Ertzaintzak ikerketa abiatu du erasotzaileak identifikatzeko.

 

Hau zure interesekoa bada, baliteke beste gai hauek ere izatea
Bilbo berriak Suteak bideoak Gizartea albisteak Albisteak