Saturnoren ilargietako batek bizitza izateko baldintzak izan ditzake

Saturnoren Enceladus ilargian hidrogenoa aurkitu du NASA AEBko Espazio Agentziak eta bertan bizitza izateko baldintzak izan daitezkeela adierazi du. Halaber, Jupiter planetaren beste ilargi batean, Europa izenekoan, geiserren erupzioak antzeman dituzte, bertako aktibitate hidrotermalaren seinale.

Cassini zundak egindako ikerketaren arabera, hidrogenoa gas egoeran dago Enceladus ilargiko ozeano izoztuan.

Enceladusen dagoen hidrogeno hori eta uretan disolbatutako karbono dioxidoa konbinatuz mikrobioek —baldin eta badaude— energia eskuratu lezakete.

Lurrean gertatzen diren erreakzio hidrotermal antzekoak errepikatzen dira Enceladus ilargian eta, beraz, Lurrean bezala litekeena da bizitza izateko baldintzak izatea.

Bestalde, Hubble teleskopioak geiserren erupzioak antzeman ditu Jupiterreko Europa ilargian eta bertan ere bizitza mikroskopioa izateko aukerak egon daitezkeela uste du NASAk.