Gizartea -

Zientzia

Bizia edukitzeko aukera gehien dituen exoplaneta aurkitu dute

LHS 1140b izeneko planeta 39 argi-urtera dago, Zetus konstelazioan, "Eguzki Sistemaren auzoan".

LHS1140b planeta. EFE
LHS1140b planeta. EFE
LHS1140b planeta. EFE

AGENTZIAK | ERREDAKZIOA

Whatsapp Facebook Twitter Telegram Email

Nazioarteko astronomo talde batek bizia izan dezakeen exoplaneta bat aurkitu du, Eguzki Sistematik kanpo, 39 argi-urtera.

Nature aldizkarian azaldu dutenez, izar nano gorri baten inguruan du orbita planetak (LHS 1140b jarri diote izena), eta haren ezaugarriak ikusita, baliteke ura edukitzea. Horregatik, bizia izan dezakeela uste dute.

LHS 1140b planeta Zetus konstelazioan dago, “gure Eguzki Sistemaren auzoaren barruan”, adierazi du Felipe Murgas Kanarietako Astrofisika Institutuko zientzialariak.

“Azken hamarkadan ikusi dudan exoplanetarik interesgarriena da, eta hautagai perfektua da zientziaren misio handienetako bat abiatzeko: Lurretik kanpo bizi arrastoak topatzea”, esan du Jason Dittman Harvard-Smithsonian Astrofisika Zentroko (Cambridge, AEB) zientzialari eta ikerketako egile nagusiak.

exoplaneta LHS 1140b EFE

Argazkia: EFE

Neurketen arabera, LHS 1140b planetaren erradioa Lurrekoa baino 1,4 aldiz handiagoa da, eta masa 6,6 aldiz astunagoa da.

Gainera, bere izarrarekiko gertutasuna kontuan hartuta, “bizitzeko egokia den eremua”ren barruan dago, hau da, azaleko tenperaturak posible egiten du ura likidoa, solidoa zein gaseosoa izatea.

Nolanahi ere, ura ez ezik, atmosfera izatea ere beharrezkoa da bizia edukitzeko.

Hau zure interesekoa bada, baliteke beste gai hauek ere izatea
Gaurko azken ordukoa Zientzia albisteak Zientziaren hedapena Astronomia albisteak Unibertsoa Planeta-sistemei buruzko azken ordukoa