Beste edukiontzi bat erre dute Bilbon

Beste edukiontzi bat erre dute goizaldeko 02:30ean, Poza Lizentziatuaren kalean, Bilboko erdigunean. Ez dute argitu zergatik gertatu den.

Horrez gain, 07:30ean, Eusko Jaurlaritzako Segurtasun sailak jakitera eman duenez, beste edukiontzi bat erre dute Maximo Agirre eta Colon de Larreategui kaleek bat egiten duten ertzean. Suteak ez du kalterik eragin bertan aparkatuta zeuden ibilgailuetan, ezta inguruko eraikinetan ere. Ke-laino handia zabaldu da inguruan.

Bilboko suhiltzaileak eta Udaleko garbiketa zerbitzuko langileak joan dira gertakariaren lekura, sua itzaltzera eta ingurua garbitzera.

Azken asteotan, hogei bat edukiontzi erre dituzte Bilbon, gehienak hiriaren erdialdeko kaleetan.