Gizartea -
Gasteizen
Emaztearen alabari abusuak egiten zizkion gizonaren epaiketa, bertan behera
Antza denez, akusatua kanpoan dago eta ez da auzitegira joan.
Agentziak | Erredakzioa
Arabako Probintzia Auzitegiak bertan behera utzi du ustez emaztearen alabari sexu abusuak egiten zizkion gizonaren aurkako epaiketa. Akusatua ez da auzitegira joan eta estatutik kanpo dagoela uste dute. Gizona kartzelan sartzeko agindua ezarri dute eta epaiketa bertan behera utzi dute.
Estatutik kanpo egon daitekeela uste dute agintari judizialek. Izan ere, akusatuak berak idatzia bidali zuen epaitegira lehen saioan egoteko lehen hegaldia hartuko zuela azalduz. Alabaina, gizona ez da agertu.
Fiskaltzak 13 urteko kartzela zigorra eskatu du, sexu abusuak egiteagatik, bere burua nabarmentzeagatik eta probokazio sexualagatik. Antza denez, emaztearen alabari sexu abusuak egin zizkion hiru urtez, umeak zortzi urte zituenetik hamaika bete zituen arte. Fiskaltzak gaineratu duenez, biktimaren aurrean egin zituen eraso horiek.
Kartzela zigorraz gain, umearekin hitz egitea eta harengana 500 metro baino gutxiagora hurbiltzea debekatu diote 17 urtetan. Oraingoz, epaiketa bertan behera utzi dute.
---
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
