Gizartea -

Polemika

Mikel Laboaren omenezko horma-irudi bat ezabatu dute Donostian

Eneko Goia alkateak adierazi duenez, azalpenak eskatuko dizkio hiriko mantentze-lanak egiteaz arduratzen den enpresari.

Agentziak | Erredakzioa

Whatsapp Facebook Twitter Telegram Email

Donostiako Udalak hirian mantentze-lanak egiteko azpikontratatzen duen enpresako langileek Mikel Laboaren omenez margotutako horma-irudi bat ezabatu zuten ostiral honetan.

Murala Antigua auzoko fatxada batean marraztu zuten hainbat auzotarren ekimenez, eta bertan kantautore donostiarraren erretratu bat agertzen zen, bere testuen pasarte batekin batera.

Alkateak gertaera deitoratu du

Eneko Goia Donostiako alkateak deitoratu egin du horma-irudia ezabatu izana, eta, baieztatu duenez, azalpenak eskatu ditu hori egiteko "agindua nork eman duen" argitzeko.

Goia "harrituta" agertu da mantentze zereginetako enpresak horma-irudia pintura zuriz estali duela jakin ostean.

Azpimarratu duenez, ez dator bat gertatutakoarekin; izan ere, "Mikel Laboa Donostiako ikur maitatu bat da eta murala horren adierazle da".

Ildo beretik, murala kentzeko agindua eman duenak "sentsibilitaterik ez" duela izan erantsi du. Azkenik, Udalak "euskal kulturaren ikur bati egindako kaltea" nola konpon daitekeen aztertuko duela esan du.

Hau zure interesekoa bada, baliteke beste gai hauek ere izatea
Donostia argazkiak Albisteak Gipuzkoa Artea argazkiak Gizartea bideoak Gaurko azken ordukoa Mikel Laboaren heriotzaren  15. urteurrena Kantariak Eguneko albisteak