Gizartea -
Iruñean
Mozkorturik, aparkaleku publiko batean sartu ordez udaltzainengana jo du
Hiru delitu leporatu dizkiote gidariari: alkoholaren eraginpean gidatzea, alkoholemia proba egin nahi ez izatea eta gidabaimena erretiratuta zuela gidatzea.
Agentziak | Erredakzioa
Mozkorturik zihoan gidari batek Iruñeko udaltzainen aparkalekuan sartu zuen autoa, aparkaleku publiko batean sartu ordez. Poliziak astelehen honetan jakitera eman duenez, alkohola edanda gidatzea leporatuta atxilotu zuten asteburuan.
Autoa aparkatzeko zailtasunak zituela ikusita, udaltzainak harengana hurbildu ziren, eta alkoholaren eraginpean zegoela ohartarazi ziren. Orduan, alkoholemia proba egitea eskatu zioten, baina gidariak uko egin zionez, tokian bertan atxilotu zuten.
Iruñeko Udaltzaingoak hiru delitu leporatzen dizkio gidariari: alkoholaren eraginpean gidatzea, alkoholemia proba egin nahi ez izatea eta, aurretik emandako beste epai baten ondorioz, gidabaimena erretiratuta zuela gidatzea.