Gizartea -

Emakumeen aurkako indarkeria

Emakume batek eraso eta mehatxuak pairatu ditu Bilbon

Hori dela eta, ustezko erasotzailea (34 urte) atxilotu dute, genero indarkeria delitua leporatuta. Gainera, atxilotuak aurrekariak ditu tratu txarrak emateagatik.

eitb.eus

Whatsapp Facebook Twitter Telegram Email

Ertzaintzak 34 urteko gizonezko bat atxilotu zuen atzo, osteguna, Bilbon, bikotekideari eraso eta labana batekin hiltzeko mehatxua egitea leporatuta.

Segurtasun Sailak ohar baten bidez jakinarazi duenez, atxiloketa atzo 07:00ak aldera izan zen Errekalden, biktima eta erasotzailearen etxean.

Atxilotuak bikotekideari tratu txarrak eman zizkion eztabaida batean eraso egin ondoren eta, jarraian, hiltzeko mehatxua egin zion sukaldeko labana handi batekin.

Horren aurrean, biktima etxetik alde egiten ahalegindu zen, baina erasotzaileak ez zion utzi. Horrezkero, ertzainek lekura jo eta atxilotu egin zuten ustezko erasotzailea, tratu txarrengatik aurrekariak dituena, genero-indarkeriako delitua leporatuta.

_________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

 

 

Hau zure interesekoa bada, baliteke beste gai hauek ere izatea
Bilbo berriak Ertzaintza Tratu txarrak Azken ordukoa Bizkaia Eguneko albisteak