Gizartea -
Euskara sarean
Interneten nabigatzean euskara lehenesteko kanpaina aurkeztu dute
EiTBk bat egin du kanpainarekin, eitb.eus-en bitartez. Euskal internauten %3-5ek soilik dauka euskara lehenetsita nabigatzeko hizkuntza bezala.
eitb.eus
Lankidetza-proiektua aurkeztu dute gaur PuntuEUS Fundazioak, CodeSyntaxek, Ikastolen Elkarteak eta Kontseiluak, Interneten lehen hitza euskaraz egitearen garrantziaz ohartarazi eta horren erabilera areagotzeko.
Hedabideei igorritako ohar batean azaldu dutenez, Euskal Herriko internauten "%3-5ek bakarrik dauka euskara lehenetsita nabigazio-hizkuntza bezala".
"Euskaraz nabigatu ezean, webguneak garatzen dituztenek ez dute euskara kontuan hartuko, eta, beraz, ez da euskarazko edukirik izango", ohartarazi dute.
Horregatik, nabigatzaileak eta mugikorrak euskaraz jartzeko kanpaina abiatuko dute aipatutako erakundeek. Aldaketa errazteko, bi baliabide sortu dira: "automatikoki nabigatzailea euskaratzen duen plugina eta telefono mugikorra euskaratzen duen aplikazioa, mugikorrak onartzen duen kasuetan".
Bestetik, webguneen arduradunei ere, euskara lehenesteko deia egin diete sustatzaileek.
EiTBk bat egin du ekimenarekin, eitb.eus-en bitartez.
