Gizartea -
Droga-trafikoa
4,5 kilo droga atzeman dizkiote Iurretako sutean zauritu zen gizonari
Sutea txabola batean piztu zen, eta bertan bizi zen 52 urteko gizona larri zauritu zen.
AGENTZIAK | ERREDAKZIOA
Ertzaintzak droga-trafikoa egotzi dio ostiralean Iurretako (Bizkaia) txabola batean jazotako sute baten ondorioz larri zauritu zen 52 urteko gizonezkoari.
Egun horretan, gizona Gurutzetako Ospitalera eraman zuten, eta haren hainbat ondasun ere bertara eraman zituzten, tartean zenbait poltsa. Horietan, 4,5 kilo speed eta 2.000 euro eskudirutan atzeman dituzte.
Sutea ostiralean jazo zen, Maspe auzoko txabola batean, baina oraindik ez dago argi zerk eragin duen.
Sua piztu zen unean, bertan bizi zen gizon bat barruan zegoen, eta larri zauritu zen.
Txabola horretan ehun bat butano-botika aurkitu zituzten. Horiek larritu egin zuten sua, eta eztandak eragin zituzten.
