Publizitatea
X

Irratia zuzenean

Gasteizko Udalak defendatu egin du Errekaleor auzoan argindarra moztea

Gizartea

Errekaleor auzo okupatua

Urtaranek esan du Errekaleorren argindarra moztea zela aukera bakarra

Agentziak | Erredakzioa

2017/05/18

Segurtasuna bermatzeko argudioarekin, Eusko Jaurlaritzak Errekaleorren argindarra mozteko agindua eman du.

  • Iberdrolako teknikariak argindarra kendu dute Errekaleorren, Ertzaintzak babestuta. Argazkia: EFE

    Iberdrolako teknikariak argindarra kendu dute Errekaleorren, Ertzaintzak babestuta. Argazkia: EFE

    Iberdrolako teknikariak argindarra kendu dute Errekaleorren, Ertzaintzak babestuta. Argazkia: EFE
  • Partekatu
  • Bidali

Iruzkinak

Gasteizko udal-gobernuak esan du Errekaleorren okupatutako eraikinean argindarra etetea beste aukerarik ez zegoela, Eusko Jaurlaritzak segurtasun arrazoiak emanda hala agindu duenean.

Industria Sailak eskatuta eta Ertzaintzak babestuta, Iberdrolako teknikariak goizean joan dira Errekaleorrera argindarra moztera, "ezbehar elektrikoren bat izateko arriskua zegoelakoan".

Hamarnaka gazte okupatutako eraikinaren aurrean bildu dira, teknikariak bertan sartzea saihesteko asmoz. Horietako batzuk kateatu egin dira, protesta moduan.

Ertzaintzak hiru lagun atxilotu ditu eta beste biren kontrako ikerketa abiarazi du, agintaritzari eraso egitea leporatuta.

Errekaleorreko bizilagunek salatu dute Ertzaintza bortizkeriaz aritu dela haien aurka.

Ohar baten bidez, Gasteizko EAJ-PSE Udal-gobernuak esan du herritarren segurtasuna "beste edozeren gainetik" dagoela eta Industria Departamentuak antzemandako "berehalako arriskuen aurrean" ez zegoela beste irtenbiderik argia moztea baino.

Gorka Urtaranen gobernuak gogora ekarri du 2015eko otsailean sutea izan zela eraikin horretan eta hiru txakur hil zirela.

Horrez gain, etxebizitza okupatuetan bizi diren lagunei segurtasuna bermatzeko "alternatiba" ezberdinak proposatu zizkiela adierazi du, "baina ez zituzten proposamenak entzun". "Segurtasunarekin ezin da jolastu", erantsi du.

Bestalde, Errekaleorreko bizilagunek manifestazioa deitu dute arratsaldeko 19:00etarako.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena