Zortzi etxebizitza jendez hustu dituzte Ibarran, lantegi bateko suteagatik

Zortzi etxebizitza jendez hustu dituzte Ibarran (Gipuzkoa), karrozeriak konpontzeko lantegi bateko sutearen ondorioz. Auto batek su hartu du eta zergatik gertatu den ikertzen ari dira, Segurtasun Sailak aditzera eman duenez.

Gertaera 07:25 aldera jazo da, karrozeriak konpontzeko lantegi batean, Otarreaga kalean.

Instalazioak ez du kalte larririk, baina su hartu duen autoa erabat kiskali da, Gipuzkoako suhiltzaileek azaldu dutenez.

Lantegia dagoen eraikin bereko zortzi etxebizitza jendez hustu dituzte, eta ez da inor zauritu.

Suhitzaileek 08:00etan lortu dute sutea itzaltzea.