Gizartea -

Enplegu publikoa

LEPetan ez dela hizkuntza-eskakizun egokia ezartzen kritikatu du Behatokiak

Aurkeztu berri duen txostenaren arabera, 2016an "hizkuntza-eskubideen urraketak Administrazioaren alor guztietan" gertatu dira berriro.

Lan Eskaintza Publiko baten azterketa. Argazkia: Efe
Lan Eskaintza Publiko baten azterketa. Argazkia: Efe
Lan Eskaintza Publiko baten azterketa. Argazkia: Efe

agentziak | erredakzioa

Whatsapp Facebook Twitter Telegram Email

Hizkuntz Eskubideen Behatokiak salatu du euskal administrazioko lan-eskaintza publikoetako hizkuntza-eskakizunak ez direla egokiak, eta "alor horretan duen jokabidea aldatzeko" eskatu dio Eusko Jaurlaritzari.

Behatokiak aurkeztu berri duen txostenaren arabera, 2016an "hizkuntza-eskubideen urraketak administrazioaren alor guztietan" gertatu dira berriro.

Garbiñe Petriati Behatokia erakundearen zuzendariak esan du euskaraz bizi nahi duten pertsonek "diskriminazioa" jasaten dutela "egunero", eta "bizi-kalitatean, ongizatean eta duintasunean galera" dutela.

Hizkuntza eskubideen urraketen "puntu beltza" lan-eskaintza publikoen konfigurazioan dago, Petriatiren esanetan.

"Une estrategikoan gaude administrazioak berritzeari dagokionez. Beharrezkoa da alor horretako jokabidea aldatzea, urraketak betikotu nahi ez baditugu", gaineratu du Behatokiko zuzendariak.

Hau zure interesekoa bada, baliteke beste gai hauek ere izatea
Euskara Gizartea albisteak Albisteak