Gizartea -
Kaleratzeak
Etxegabetzeen kopurua % 28,6 hazi da EAEn
Urteko lehen hiruhilekoan, 328 etxegabetze izan dira Euskal Autonomia Erkidegoan: 197 Bizkaian, 73 Araban eta 58 Gipuzkoan.
Agentziak | Erredakzioa
Euskal Autonomia Erkidegoan 328 etxegabetze izan dira 2017ko lehen hiruhilekoan. Hortaz, eta iazko epealdi berarekin alderatuta, kaleratzeen kopurua % 28,6 hazi da EAEn.
Kaleratzeei buruzko datuak Botere Judizialaren Kontseilu Nagusiak eman ditu gaur. Estatuan, guztira, 17.055 etxegabetze izan dira urteko lehen hiruhilekoan.
Bi hiruhilekotan beherako joera izan ostean, azkenekoan ugaritu egin dira kaleratzeak.
Bizkaian 197 (% 34,9 gehiago) etxegabetze izan dira, Araban 73 (% 23,7 gehiago) eta Gipuzkoan 58 (% 16 gehiago).
