Publizitatea
X

Irratia zuzenean

Sute handia piztu da surf taula enpresa batean, Oiartzunen

Gizartea

Gipuzkoa

Sute handi batek surf taula enpresa bat kiskali du Oiartzunen

agentziak | erredakzioa

2017/06/19

Sei suhiltzaile ospitalera eraman behar izan dituzte kea arnasteagatik.

0:47
  • Partekatu
  • Bidali

Iruzkinak

Sute handia piztu da gaur arratsaldean surf taulak egiten dituen enpresa batean, Oiartzunen (Gipuzkoa), eta lau suhiltzaile parketako langileak bertaratu dira.

Eusko Jaurlaritzaren Segurtasun Sailaren arabera, sua 17:00ak aldera piztu da Olatu konpainiak Ugaldetxo industriguneko Olagarai kalean duen pabilioi batean.

Aipatu enpresako langile bat sutea gertatu den lekuan bertan artatu behar izan dute kea arnasteagatik.

Sutea izan den lekura joan dira Donostiako, Bidasoako, Zarauzko eta Legazpiko suhiltzaileak, eta sua itzaltzeko lanean ziharduten sei lagun ospitalera eraman behar izan dituzte kea arnasteagatik. Gainera, beste bi ere artatu ditu industrigunera joan den anbulantzia batek.

DYAk karpa bat jarri du suhiltzaileak artatzeko, izan ere, sutea izan den enpresako materiala sukoia zen, eta Euskal Herrian dagoen tenperatura altuarekin batuta, egoera ez da batere erraza izan.

Suak erabat kiskali du pabilioia, eta garren tamaina zela eta, jendez hustu dituzte inguruko eraikin batzuk, eta GI-2132 errepidea itxi behar izan dute.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena