Gizartea -
Bilbo
Momak ateak ireki ditzake, musika ekipoari zigilua kentzeko baieman baitu
Udalak musika ekipoari zigilua kentzeko agindua eman du, soinuaren udal araudia betetzen duela egiaztatu ostean.
agentziak | erredakzioa
Bilboko Udalak Moma diskotekako musika ekipoaren zigilua kentzeko agindu du. Dantzalekuak sortzen zituen arazoengatik bizilagunek eta aldameneko hotel batek salaketa jarri zuten Udalaren aurka, eta Arartekora ere jo zuten.
Udalak prentsa-ohar batean jakinarazi duenez, Mugikortasun eta Iraunkortasun sailak Moma diskotekako musika ekipoari zigilua kentzea eta erabiltzen uztea agindu du, udal araudiak aurreikusten dituen soinu mugak betetzen dituela egiaztatu ostean.
Udalak azterketa teknikoa egin du, eta soinu mugak errespetatzen direla ikusi du.
Aurreko ekainaren 22an, Udalak dantzalekuko musika ekipoa zigilatzeko agindua eman zuen, araudiak agintzen duen gehienezko dezibelio kopurua gainditzen ez zuela egiaztatu arte.
Izan ere, Rodriguez Arias kaleko bizilagunek, diskoteka dagoen kalekoek, eta Ilunion aldamenean dagoen hoteleko arduradunek Udala salatu zuten auzitegietan, Momari ikuskizun publikoak egiteko baimena legez kanpo eman ziola iritzita.
