Gizartea -
Galizian aurkitu dute
Hilda topatu dute uztailaren 4an Lekeition desagertu zen arrantzalea
Gorpua Coruñan (Galizia) aurkitu dute. Gizonezkoa 57 urtekoa zen, eta 'Espe Primero' ontzian joan zen arrantzan.
AGENTZIAK | ERREDAKZIOA
Uztailaren 4an Lekeition (Bizkaia) desagertu zen 57 urteko arrantzalea hilda topatu dute astearte honetan Galiziako uretan, Cariño herritik (Coruña) gertu.
Egun hartan, gizonezkoa bere kirol faboritoan aritzera atera zen, baina haren sendiak salatu zuen ez zela etxera itzuli. Harrezkero, erreskate taldeak haren bila izan da Bizkaiko itsasoan.
Azkenean, arrantza-ontzi batek aurkitu du gaur gizonezkoa, “Espe Primero” haren ontziko salbamendu baltsan.
Orotara, erreskate taldeek 34.100 kilometro karratu miatu dituzte, Asturiastik Frantziako Estatura.
Javier de Andres Espainiako Gobernuak EAEn duen ordezkariak senideei deitu die, doluminak adierazteko.