Gizartea -

Sanferminak 2017

Salaketa bat eta bi atxilotu, jaietako zortzigarren egunean

Lehenengo susmagarria eguneko salaketarekin lotuta atxilotu dute; bestea, ostera, aurretik jasotako salaketa batengatik.

Eraso sexisten kontrako manifestazioa Iruñean. Argazkia: @igualdad_pna
Argazkia: @igualdad_pna
Eraso sexisten kontrako manifestazioa Iruñean. Argazkia: @igualdad_pna

Agentziak | Erredakzioa

Whatsapp Facebook Twitter Telegram Email

Uztailaren 13an ukituak salatu ditu emakume batek, eta Poliziak sexu erasoekin zerikusia izan dezaketen bi susmagarri atxilotu ditu, Iruñeko Babes Zibilerako Batzordeak gaur goizeko bileraren ostean jakinarazi duenez. Lehenengo susmagarria egunean bertan egindako salaketarekin lotuta atxilotu dute; bestea, ostera, aurretik jasotako salaketa batengatik.

Gaur publikatu diren azken datuen arabera, orotara, sexu eraso bat eta 12 sexu abusu salatu dituzte. Guztira, 11 pertsona atxilotu dituzte horiekin lotuta.

Gaurko bileraren ostean, garraio publikoko gidariei eta babes zibileko laguntzaileei elkartasuna adierazi die Iruñeko Babes Zibilerako Batzordeak, jaso dituzten eraso eta jarrera desatseginengatik. Gainera, udaltzainei eskerrak emateko aprobetxatu dute gaurko agerraldia.

______________________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

Hau zure interesekoa bada, baliteke beste gai hauek ere izatea
Tratu txarrak Nafarroa Sanferminak Gizartea albisteak Gaurko azken orduko albistea Jaiak