Publizitatea
X

Irratia zuzenean

Ehunka pertsona bildu dira Santurtzin, sexu erasoak salatzeko

Gizartea

Indarkeria matxista

Ehunka pertsona bildu dira Santurtzin, sexu erasoak salatzeko

Agentziak | Erredakzioa

2017/07/17

Ertzaintzak 55 urteko gizon bat atxilotu du, sexu askatasunaren kontrako delitu bat egotzita. Lo zegoen emakume bati ukituak egitea leporatu diote.

  • Ehunka pertsona bildu dira Santurtzin, sexu erasoak salatzeko. Argazkia: EiTB

    Ehunka pertsona bildu dira Santurtzin, sexu erasoak salatzeko. Argazkia: EiTB

  • Partekatu
  • Bidali

Iruzkinak

Astelehen arratsalde honetan, 400 pertsona bildu dira Santurtziko Udaletxearen aurrean sexu erasoak salatzeko. Zehazki, taberna bateko besaulki batean lo zegoen emakume batek jasandako ukituak salatu dituzte elkarretaratze horretan.

Ertzaintzak 55 urteko gizon bat atxilotu zuen igande goizean, sexu askatasunaren kontrako delitu bat egotzita. Izan ere, lo zegoen emakume bati ukituak egitea leporatu diote.

Horren aurrean, Santurtziko Udalak elkarretaratzea deitu du 19:00etarako Udaletxearen aurrean. Elkarretaratzeak bost minutu iraun du, eta isilik egin dute protesta bertan bildu diren herritar guztiek.

SANTURTZI EiTB

Santurtziko Udalak jakitera eman duenez, elkarretaratzean 400 bat lagun elkartu dira, eta jaietako kuadrillak ere izan dira bertan.

Goizean, Udalean ordezkatuta dauden alderdi politiko guztiek (EAJ, Sí se Puede, EH Bildu, PSE-EE eta PP) gaitzespen irmoa adierazi dute horrelako ekintza guztien aurrean.

ELKARRETARATZEA SANTURTZI EITB

_________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena