Gizartea -

Ezbeharra

Leioako bi emakume hil dira Zaragozan izandako zirkulazio istripu batean

Gainera, beste pertsona bat larri zauritu da. Hirurak senideak ziren. Ezbeharra Boquiñeni herrian jazo da.

Argazkia: EiTB
Argazkia: EiTB
Argazkia: EiTB

eitb.eus

Whatsapp Facebook Twitter Telegram Email

Leioako (Bizkaia) 63 eta 86 urteko bi emakume hil dira eta lurralde bereko 63 urteko gizon bat larri zauritu da Boquiñeni herrian (Zaragoza, Aragoi) izandako zirkulazio istripu batean.

Hirurak senideak ziren. Hain zuzen ere, bi hildakoak gizonezkoaren ama eta emaztea ziren.

Ezbeharra 16:00etan jazo da, AP-68 autobidean, Zaragozarako noranzkoan. Ordu horretan, hiru biktimak zihoazen autoa bidetik atera eta irauli egin da.

Suhiltzaileek ibilgailutik atera behar izan dituzte bi hildakoak eta larri zauritutakoa.

Hau zure interesekoa bada, baliteke beste gai hauek ere izatea
Trafiko Ezbeharrak gaur Trafikoa Zer gertatu da gaur Bizkaian? EAE Arabako trafiko telefonoa Trafikoko web-kamerak Gasteizen Gaurko azken ordukoa