Gizartea -
Gertaera
Bilboko taberna batean pistola erakutsi duen gizon baten bila ari dira
Ostegun honetako goizean gertatu da, hiriko erdialdeko taberna batean. Gizonezkoak aurrekariak ditu, bortxaketa batengatik.
Agentziak | Erredakzioa
Bilboko erdialdeko taberna batean pistola bat erakutsi duen gizonezko baten bila dabil Ertzaintza; gizonezko horrek aurrekari penalak ditu, eta 2006an kartzelan izan zen, sexu-erasoagatik. Hala eman diote jakitera Europa Pressi Segurtasun Saileko iturriek.
Ostegun honetako goizean gertatu da, ostegun honetan, 8:50 aldera. Gizonezkoa tabernan sartu da, eta zerbitzariak eta bezero bat molestatzen hasi da; beste bezero batek haren jarrera jazarri dionean, lekukoen arabera, arma bat atera du. Ez dago argi benetakoa ala simulatua zen.
Gerora, tokitik alde egin du. Ertzainzak gunea sokaz inguratu dute, Heros kalean, bilaketari eutsi eta aurkitzen saiatzea xede, baina, handik gutxira, ikusirik ingurunean ez zegoela, kendu egin dute polizia-lerroa.
Arratsaldean, 16:00ak aldera, berriro inguratu du sokaz Heros kalea Ertzaintzak; izan ere, gizonezkoa aiton-amonen etxean zegoelakoan zeuden agenteak, Bilboko aipatutako kalean. Minutu batzuen buruan, baina, baieztatu dute ez zegoela, eta kendu dute, beste behin, polizia-lerroa.