Gizartea -
Euskara Nafarroan
Martzillako alkatea: "Nik ez dakit euskaraz; beraz, 'good morning' guztioi"
Mario Farbo (UPN) euskara gutxiesten saiatu da eta Uxue Barkosek honela erantzun dio: "Alkate jauna, 'egun on' 'good morning' baino errazagoa da".
EITB.EUS
Ikasturte berriari hasiera emateko ekitaldian, Mario Farbo (UPN) Martzillako alkateak uko egin zion "egun on" esateari, euskaraz ez dakielako: "Nik ez dakit euskaraz, beraz, 'good morning' guztioi".
Haren ostean Uxue Barkos Nafarroako presidenteak hartu zuen hitza eta agerian utzi zuen Martzillako alkatea: "Alkate jauna, 'egun on' esatea 'good morning' esatea baino errazagoa da, baita 'bonjour' baino errazagoa ere. Hala ere, animatu egiten zaituztet, gure bi hizkuntzetako bat baita, eta horrek elkartu egiten baikaitu".
Hemen duzue Jokin Castiella Geroa Baiko parlamentariak sare sozialetan argitaratutako bideoa: