Gizartea -

Gertakaria

Zazpi lagun artatu dituzte Lasarte-Orian, sute batean kea arnasteagatik

Pablo Mutiozabal kalean dagoen jatetxe txinatar batean piztu da bart, eta ikerketa hasi dute zerk eragin duen argitzeko.

Agentziak | Erredakzioa

Whatsapp Facebook Twitter Telegram Email

Zazpi lagun artatu behar izan dituzte Lasarte-Orian, sute batean kea arnasteagatik. Sutea jatetxe txinatar batean piztu da asteazken gauean, Eusko Jaurlaritzako Segurtasun Saileko iturriek Europa Pressi esan diotenez.

Sutea 22:30 aldera piztu da, Pablo Mutiozabal kaleko aipatutako jatetxearen sukaldean, eta oraindik ez dakite zerk eragin duen. Ikerketa abiatu dute hori argitzeko.

Horren ondorioz, zazpi lagun artatu behar izan dituzte, kea arnastu baitute. Gerora, alta eman diete guztiei.

Lehen solairuan ere, eragina

Establezimenduko sukaldean izan du eraginik handiena suteak, baina jatetxeko jangelan eta gainerako instalazioetan eta eraikinaren lehen solairuan ere egin ditu kalteak.

Sua amaitu arte, eraikin osoa hustu dute, badaezpada, eta sua itzaltzeko eta eraikina aireztatzeko lanak amaitutakoan, bizilagunak euren etxeetara bueltatu dira.

Hau zure interesekoa bada, baliteke beste gai hauek ere izatea
Gaurko albisteak Gipuzkoa Suteak Gizartea bideoak Lasarte-Oria albisteak Gaurko azken ordukoa