AP-15a zabalik Andoainen, ia lau orduz itxita egon ostean

Kamioi bati zamaren zati bat jausi zaio gaur AP-15 autobidean, Andoain (Gipuzkoa) parean, Irungo noranzkoan, eta autobidea ia lau orduz itxi behar izan dute, Eusko Jaurlaritzako Segurtasun Sailak eitb.eus-i jakinarazi dionez. 10:00ak aldera zabaldu dute berriro.

Ezbeharra 06:30ean jazo da, autobideko 159. kilometroan. Oraindik argitu ez dituzten arrazoiak tarteko, kamioiak hormigoizko xafletako batzuk galdu ditu, eta errepidean barreiatuta geratu dira.

Zama bidetik kendu eta galtzada garbitu duten artean, errepidea itxita egon da, ia lau orduz, eta N-1 errepidetik bideratu dute trafikoa.

10:00ak aldera zabaldu dute berriro.