Gizartea -
Erreskateak
Bi mendizale erreskatatu dituzte, bata Txindokin eta bestea Anboton
55 urteko emakume batek hanka apurtu du Txindokin, eta 14 urteko neska batek ere min hartu du hankan, Anboton. Biak ere, Ertzaintzaren helikopteroan eraman dituzte.
Agentziak | Erredakzioa
Ertzaintzaren helikopteroak min hartutako bi mendizale erreskatatu ditu larunbatean, bata Txindokin (Gipuzkoa) eta bestea Anboton (Bizkaia).
Segurtasun Sailetik jakitera eman dutenez, lehenengo erreskatea Txindoki mendian izan da, 12:45ean. 55 urteko emakume bat erori, eta hankan min hartu du. Litekeena da tibia apurtu izana. Ertzaintzaren erreskate helikopteroak jaso, eta Donostiako Ospitalera eraman dute.
Zertxobait geroago, 14:10ean, beste mendi erreskate bat egin behar izan du Ertzaintzaren helikopteroak. Kasu honetan, 14 urteko neska bat jaso du min hartuta, Anbotoko gailurretik gertu. Gaztea Galdakaoko ospitalera eraman dute, belaunean lesio bat zuela, iturri berak jakinarazi duenez.